پرینکا گاندھی کی بی جی چی اور الیکشن کمیشن پر شدید تنقید
ہندوستان کی حزب اختلاف کی جماعت کانگریس کی جنرل سیکریٹری پرینکا گاندھی نے الیکشن کمیشن اور بھارتیہ جنتا پارٹی (بی جے پی) پر ایس آئی آر اور ووٹ چوری کے حوالے سے شدید تنقید کی ہے۔
سحرنیوز/ہندوستان: پارلیمنٹ میں میڈیا سے بات کرتے ہوئے کانگریس کی جنرل سیکریٹری پرینکا گاندھی نے کہا کہ راہل گاندھی کسی حملے سے خوفزدہ نہیں ہیں اور وہ عوام کے سامنے حقائق پیش کرنے کے لیے پوری طرح تیار ہیں۔ پرینکا گاندھی نے نشاندہی کی کہ گزشتہ دس گیارہ سالوں میں ایس آئی آر نے کئی معاملات میں ذمہ داری سے کنارہ کشی اختیار کی اور پرانے سیاستدانوں کی غلطیوں کو اپنی بنیاد بنا کر موجودہ حالات پر توجہ دینے سے گریز کیا۔ انہوں نے کہا کہ ایس آئی آر کیوں کیا جا رہا ہے جبکہ ووٹ چوری کے الزامات پر عوام کو وضاحت دینی چاہیے۔ پرینکا گاندھی نے زور دیا اگر یہ الزامات بے بنیاد ہیں تو عوام کو بتایا جائے۔
کانگریسی رہنما نے الیکشن کمیشن کی جانب سے راہل گاندھی سے حلف نامہ طلب کرنے کے عمل پر بھی سوال اٹھایا۔ انہوں نے کہا کہ ایسی دستاویزات کی مدت محدود ہوتی ہے اور انہیں سیاسی طور پر منفی انداز میں پیش کیا جا سکتا ہے۔ انہوں نے کہا کہ یہ سب بیکار کی باتیں ہیں، اصل حقیقت عوام کے سامنے ہونی چاہئیں۔ انہوں نے مزید کہا کہ سو سو لوگ ایک ہی ایڈریس پر رجسٹر کیوں ہیں اور اتنے افراد کس طرح ایک ہی مقام پر موجود ہیں، اس پر بھی جواب دیئے جانے کی ضرورت ہے۔ پرینکا نے اس بات پر زور دیا کہ راہل گاندھی کسی بھی سیاسی دباؤ یا حملے سے نہیں ڈرتے اور عوامی مفاد کے لیے حقائق سامنے لانے میں پیچھے نہیں ہٹیں گے۔
