ہندوستان: اترپردیش میں ایس آئی آر کے تحت دو ہزار تین سو ووٹروں کے نام ووٹر لسٹ سے نکالے جانے پر نیا ہنگامہ

Dec ۳۰, ۲۰۲۵ ۱۷:۲۰ Asia/Tehran

ہندوستان کی ریاست اتر پردیش میں ایس آئی آر میں ایک گاؤں کے پردھان سمیت سبھی دو ہزار تین سو ووٹروں کے نام ووٹر لسٹ سے نکال دیئے جانے پر نیا ہنگامہ کھڑا ہوگیا ہے۔

سحرنیوز/ہندوستان: ہندوستان میں ایس آئی آر کا عمل حزب اختلاف کی تمام تر مخالفتوں کے باوجود ایسی حالت میں جاری ہے کہ مختلف ریاستوں میں لاکھوں ووٹروں کے نام ووٹر لسٹ سے نکال دیئے جانے سے حزب اختلاف کے موقف کو تقویت مل رہی ہے۔

ہمیں فالو کریں:

اس سلسلے میں ایک نیا چونکا دینے والا واقعہ یہ سامنے آیا ہے کہ ریاست اتر پردیش کے ضلع مہوبہ کے ایک گاؤں کے پردھان سمیت سبھی ووٹروں کے نام لسٹ سے خارج ہوگئے ہیں۔

رپورٹوں کے مطابق گاؤں کے پردھان نے فوری طور پر مہوبہ کے ڈسٹرکٹ مجسٹریٹ کے دفتر میں شکایت جمع کرادی ہے۔ ایس آئی آر میں وسیع پیمانے پر بدعنوانی کی خبر ہے اور بتایا گیا ہے کہ خود ریاست اتر پردیش میں لاکھوں ووٹروں کے نام خارج ہوچکے ہیں۔