قومی یومِ رائے دہندگان کے موقع پر ہندوستان کے مختلف سیاسی شخصیات کی عوام کو مبارکباد

Jan ۲۵, ۲۰۲۶ ۱۸:۱۶ Asia/Tehran

قومی یومِ رائے دہندگان کے موقع پر ہندوستان کے وزیر اعظم اور دیگر سیاسی رہنماؤں نے ملک کے عوام کو مبارکباد دی ہے۔

سحرنیوز/ہندوستان: ہندوستان کے وزیر اعظم مودی نے سوشل میڈیا پلیٹ فارم ایکس پر لکھا کہ یہ دن ہمارے جمہوری نظریات پر اعتماد کو مزید مضبوط کرتا ہے- انہوں نے کہا کہ ووٹنگ صرف ایک آئینی حق ہی نہیں بلکہ ہر شہری کا اہم فریضہ بھی ہے۔ یہ ذمہ داری ہمیں ہندوستان کے مستقبل کا تعین کرنے میں اپنی آواز شامل کرنے کا موقع فراہم کرتی ہے-

رائے دہندگان کے قومی دن کے موقع پر کانگریس کے صدر ملکارجن کھڑگے نے ہندوستان کے مستقبل کی تشکیل میں حقِ رائے دہی کی مرکزی حیثیت پر زور دیا اور ملک کے جمہوری عمل کو کمزور کرنے کی مبینہ کوششوں پر تشویش کا اظہار کیا۔

ہمیں فالو کریں:

اتوار کو سوشل میڈیا پلیٹ فارم ایکس پر جاری اپنے ایک پیغام میں مسٹر کھڑگے نے کہا کہ رائے دہندگان کا قومی دن ، شہریوں کو حاصل طاقت کی یاد دہانی کراتا ہے۔

انہوں نے کہا کہ "رائے دہندگان کا قومی دن" اس بات کی مضبوط یاد دہانی ہے کہ کسی بھی ملک کا مستقبل اس کے عوام کے ہاتھ میں ہوتا ہے یاد رہے ہندوستان میں ہر سال پچیس جنوری کو قومی یوم رائے دہندگان منایا جاتا ہے-