قطر کے راس لفان ایل این جی کمپلیکس میں حال ہی میں ہونے والے دھماکے میں 12 ہندوستانی شہریوں کی موت پر امیر قطر شیخ تمیم بن حمد آل ثانی نے تعزیت کا اظہار کیا ہے۔

سحرنیوز/ہندوستان: اطلاعات کے مطابق قطر کے امیر شیخ تمیم بن حمد آل ثانی نے ہندوستان کے وزیر اعظم نریندر مودی سے بات کی اور قطر کے صنعتی شہر راس لفان میں ایل این جی کی تنصیب میں ہونے والے المناک دھماکے میں 12 ہندوستانی شہریوں کی موت پر تعزیت کا اظہار کیا۔

نریندر مودی نے انسٹاگرام پر ایک پوسٹ میں گفتگو کی تفصیلات شیئر کیں اور اس واقعے کے بعد رابطے اور تعزیت کے لیے قطری رہنما کا شکریہ ادا کیا۔

بات چیت کے دوران، دونوں رہنماؤں نے متاثرین کے اہل خانہ سے تعزیت کا اظہار کیا اور قطر میں رہنے اور کام کرنے والے شہریوں کی حفاظت اور بہبود کو یقینی بنانے کی اہمیت پر زور دیا۔

ہندوستان کے وزیر اعظم نے پوسٹ میں لکھا کہ "میں قطر کے راس لفان انڈسٹریل سٹی میں ہونے والے المناک حادثے میں ہندوستانی شہریوں کی موت پر ان کی فون کال اور تعزیت کے لیے قطر کے امیر کا شکریہ ادا کرتا ہوں۔

قابل ذکر ہے کہ پیر کو دوحہ میں ہندوستانی سفارت خانے نے بتایا تھا کہ اتوار کی رات قطر میں راس لفان واقعے میں 12 ہندوستانی شہری ہلاک ہوگئے ہیں۔

ہمیں فالو کریں:  

Follow us: Facebook, X, instagram, tiktok  whatsapp channel