SAHAR

مجلس شورائے اسلامی میں فلسطین کانفرنس کے سیکریٹریٹ نے ایک بیان میں فلسطین کی استقامتی تنظیم حماس کو دہشت گرد گروہوں کی فہرست میں شامل کئے جانے کے برطانوی حکومت کے اقدام کی شدید مذمت کی ہے۔

اس بیان میں کہا گیا ہے کہ یہ بزدلانہ اقدام بلا شبہ فلسطینی زمینوں پر غاصبانہ قبضہ کرنے اور فلسطینیوں کو آوارہ وطن اور ان بے گناہوں منجملہ فلسطینی عورتوں اور بچوں کے قتل عام کی زمین ہموار کرنے والے بالفور بیان کے تحت خیانت و بد دیانتی کا سلسلہ جاری رکھنے کی کوشش ہے۔

اس بیان کے مطابق مظلوم فلسطینیوں کے خلاف غاصب صیہونیوں کے وحشیانہ جرائم اور غزہ کے پندرہ سالہ محاصرے کے نتیجے میں فلسطینیوں کی ابتدائی ترین انسانی حقوق سے محرومی پر برطانیہ کی چشم پوشی اس بات کی ترجمان ہے کہ یورپی ممالک انسانی حقوق کے مسئلے کو ایک سیاسی ہتھکنڈے کے طور پر استعمال کرتے ہیں اور علاقے میں اس سلسلے میں ان کی دوغلی پالیسیوں کا سلسلہ بدستور جاری ہے۔

مجلس شورائے اسلامی میں فلسطین کے حوالے سے دائمی سیکریٹریٹ نے اپنے بیان میں دنیا کے تمام ملکوں اور خاص طور سے اسلامی ملکوں کی پارلیمانوں اور اسی طرح انسانی حقوق کے اداروں اور تنظمیوں سے مطالبہ کیا ہے کہ وہ انسانی معیار و حقوق کے منافی حکومت برطانیہ کے اس سیاسی اقدام اور لندن، واشنگٹن اور تل ابیب کے ظالمانہ اور جاربرانہ اقدامات کے مقابلے میں فلسطین کے مظلوم عوام کی بھرپور مدد و حمایت کریں۔