ایرانی کمانڈر کا انکشاف، امریکا سے کئی بار ہو چکی ہیں جھڑپیں، زوردار طمانچہ کیا رسید
Nov ۲۳, ۲۰۲۱ ۲۲:۰۷ Asia/Tehran
سپاہ پاسداران انقلاب اسلامی کی بحریہ کے کمانڈر ایڈمیرل علی رضا تنگسیری نے کہا ہے کہ سپاہ پاسداران انقلاب اسلامی نے ملک کے اقدار اعلی کی حفاظت کرتے ہوئے امریکیوں کے ساتھ ہونے والی جھڑپوں میں 9 شہیدوں کا نذرانہ پیش کیا۔
ایڈمیرل علی رضا تنگسیری نے ہفتۂ رضاکارفورس بسیج کی مناسبت پر منعقد پروگرام میں کہا کہ امریکا کے ساتھ ہونے والی کچھ جھڑپیں ایسی بھی ہیں جن کے بارے میں کچھ اسباب کی وجہ سے میڈیا کو نہيں بتایا گیا، ہم نے ان جھڑپوں میں اپنے 9 جوانوں کی قربانی تو پیش کی لیکن امریکا کو زوردار طمانچہ بھی رسید کیا اور انہیں ایران کے اقتدار اعلی کا احترام کرنے پر مجبور کر دیا۔
ایڈمیرل علی رضا تنگسیری نے کہا کہ اب امریکیوں کو اچھی طرح پتہ چل چکا ہے کہ اسلامی جمہوریہ ایران کے اقتدار اعلی کا احترام کرنا انکے لئے ضروری ہے۔
