ایران نے دکھائی طاقت، دوستوں اور دشمنوں دونوں کو دیا پیغام+ ویڈیوز+ تصاویر
اسلامی جمہوریہ ایران کی مسلح افواج نے پیغمبر اعظم-17 فوجی مشقوں کا انعقاد کرکے دوستوں اور دشمنوں دونوں کو پیغام دے دیا ہے۔
ایران کی مسلح افواج نے فوجی مشقوں سے اپنے دوستوں کو دوستی اور بھائی چارے کا پیغام دیا جبکہ دشمنوں کو خبردار کیا کہ ایران کی طرف میلی نظر اٹھا کر بھی دیکھنے کی جرآت نہ کرنا۔
سپاہ پاسداران انقلاب اسلامی کی پیغمبر اعظم (ص) فوجی مشقوں کے دوسرے روز بیلیسٹک میزائلوں سے متحرک و غیر متحرک اہداف کو نشانہ بنایا گیا۔
خلیج فارس کے ساحلوں، آبنائے ہرمز اور ہرمزگان، بوشہر اور خوزستان صوبوں کے علاقوں میں پانچ روز تک پیغمبر اعظم (ص) سترہ نامی مشترکہ فوجی مشقوں کے دوسرے روز بیلیسٹک میزائلوں سے ثابت اور متحرک اہداف کو نشانہ بنایا گیا۔
مشترکہ فوجی مشقوں کے ترجمان نے مزید کہا کہ پیغمبر اعظم سترہ فوجی مشقوں کا یا فاطمہ زہرا (س)، اقتدار، سکیورٹی ، دفاعی تیاری اور ہمدلی و اتحاد کے نعرے سے آغاز ہوا اور مشقوں کے دوسرے روز دفاعی فضائی سسٹم اور جنگی کشتیوں کا مختلف طریقوں سے استعمال جیسے اقدامات عمل میں لائے گئے۔
فوجی مشقوں میں ہر قسم کے خطرات کا مقابلہ کرنے کی کارروائی کی جائے گی اور جدید ترین جنگی وسائل کا استعمال کیا جائے گا۔
پانچ دن تک جاری رہنے والی پیغمبر اعظم مشترکہ فوجی مشقوں میں جدید ترین ہتھیاروں کے تجربات کئے جائیں گے۔
