SAHAR

اسلامی جمہوریہ ایران کے وزیر خارجہ نے کہا ہے کہ یمنی فریقوں کے مابین گفتگو سے ہی اس ملک کا سیاسی مستقبل طے ہو سکتا ہے۔  

انہوں نے پیر کے روز عمان کے دارالحکومت مسقط میں یمن کی نیشنل سالویشن گورنمنٹ کے سینیئر مذاکرات کار محمد عبد السلام سے ملاقات میں یہ بات کہی۔ ایرانی وزیر خارجہ نے یمنی عوام پر تھوپی گئی جنگ کے جاری رہنے پر افسوس کا اظہار کرتے ہوئے، اس جنگ اور اس ملک کی ناکہ بندی کے ختم ہونے کا مطالبہ کیا۔

اس موقع پر عبد السلام نے یمن میں ایران کے سفیر کی شہادت پر اسلامی جمہوریہ ایران اور عوام کی خدمت میں تسلیت پیش کرنے کے ساتھ ساتھ یمنی عوام کی حمایت پر اسلامی جمہوریہ ایران کی قدردانی کی۔