SAHAR

ایران میں منعقد ہونے والی 13 ویں بین الاقوامی ایرواسپیس نمائش کے دوران ایران اور روس کے درمیان خلائی میدان میں تعاون کے ایک معاہدے پر دستخط ہوگئے ہیں۔

سحرنیوز/ایران: ایرانی جزیرے کیش میں منعقد ہونے والی بین الاقوامی ایرواسپیس نمائش میں ایران اور روس کے درمیان خلائی میدان میں مشترکہ تحقیقات، سیٹیلائٹ ڈیزائن، مشترکہ پروڈکشن، لانچ اور سیٹیلائٹ ٹیسٹنگ کے ایک معاہدے پر دستخط ہوئے ہیں.

خلائی شعبے میں تعاون کی اس تقریب میں ایرانی خلائی ایجسنی کے سربراہ حسن سالاریہ اور روسی خلائی ایجنسی روس کاسموس کے سربراہ یوری بورسوو موجود تھے۔

یاد رہے کہ جزیرہ کیش میں منعقد والی اس بین الاقوامی نمائش میں 90 ایرانی کمپنیوں کے علاوہ روس، چین اور ایتھوپیا کی مختلف کمپنیاں بھی شریک ہیں۔ یہ نمائش 13 دسمبر کو شروع ہوئی اور 16 دسمبر تک جاری رہے گی۔