شیراز میں عاشورا سے متعلق قومی فیسٹول کا آغاز
ایران کے صوبہ فارس کے شہر شیراز میں عاشورا کے حوالے سے روایتی غمگین موسیقی کے قومی فیسٹول کا آغاز ہو گیا ہے جس میں مختلف صوبوں کے ہنرمند حصہ لے رہے ہيں
سحرنیوز/ایران: ایران پریس کی رپورٹ کے مطابق ایران کے صوبہ فارس کے مرکز شیراز میں امام حسین علیہ السلام کے غم کو منانے کےلئے، غمگین موسیقی کا فیسٹول شروع ہو گیا ہے جس میں ایران کے 13 صوبوں کے مختلف گروہ امام حسین علیہ السلام اور ان کے اصحاب کو خراج عقیدت پیش کرنےکے مقصد سے ان کی یاد میں غمگین موسیقی اور سوز و نوحہ پیش کریں گے۔ ایران کے مختلف حصوں میں امام حسین علیہ السلام کا غم منانے کےلئے مقامی موسیقی میں مختلف نوحوں اور سوزو گداز کے حامل اشعار کو ایک خاص اہمیت حاصل ہے۔اس فیسٹیول کا مقصد عاشورا سے متعلق مختلف رسومات اور ان کی ایرانی تہذیب و ثقافت میں اہمیت کو اجاگر کرنا اور اس سلسلے کو نئی نسل میں منتقل کرنا ہے۔ ایران میں عاشورا سے متعلق پہلے قومی فیسٹول کا انعقاد گزشتہ سال شیراز میں کیا گیا تھا۔
