ایران کے نو منتخب صدر ڈاکٹر مسعود پزشکیان کا حکم تقرری آج اتوار کو
رہبر انقلاب اسلامی حضرت آیت اللہ العظمی خامنہ ای آج اتوار کو صدارتی تقرری کا حکم ایران کے نو منتخب صدر ڈاکٹرمسعودپزشکیان کو اعطا کریں گے-
سحرنیوز/ایران: رہبر معظم انقلاب اسلامی حضرت آیت اللہ العظمی خامنہ ای آج صدارتی تقرری کا حکم نویں صدر کے عنوان سے مسعود پزشکیان کو اعطا کریں گے۔ یہ تقریب آج صبح مقامی وقت کے مطابق دس بجے منعقد ہوگی کہ جسے ایران کے داخلی چینلوں کے علاوہ آئی آر آئی بی کی اکسٹرنل سروسیز منجملہ سحر اردو ٹی وی سے بھی براہ راست نشر کیا جائے گا۔
واضح رہے کہ ایران کے نومنتخب صدر مسعود پزشکیان کی حلف برداری کی تقریب میں مختلف ممالک اور بین الاقوامی اداروں کے ستر وفود شرکت کر رہے ہیں۔
نومنتخب ایرانی صدر ڈاکٹر مسعود پزشکیان کی تقریب حلف برادری منگل کو منعقد ہوگی جس میں ملکی اعلی حکام کے علاوہ بیرون ممالک سے بھی مختلف شخصیات شرکت کریں گی۔ اب تک کی موصولہ اطلاعات کے مطابق ستر غیر ملکی وفود نے اپنی شرکت ک اعلان کیا ہے۔ جن میں مختلف ممالک کے دس صدور مملکت اور وزرائے اعظم، پندرہ ممالک کے سربراہان پارلیمنٹ، سترہ ممالک کے خصوصی اعلی وفود اور مختلف اداروں کے سربراہان شامل ہیں۔
