SAHAR

اسلامی جمہوریہ ایران کے قائم مقام وزیرخارجہ نے جدہ میں او آئی سی کے سکریٹری جنرل سے تازہ ترین صورتحال پر بات چیت کی ہے۔

سحر نیوز/ عالم اسلام: اسلامی جمہوریہ ایران کے قائم مقام وزیرخارجہ علی باقری نے جدہ میں اسلامی تعاون تنظیم کے وزرائے خارجہ کی ایکزیکٹیو کمیٹی کے ہنگامی اجلاس کے موقع پر او آئی سی کے سیکریٹری جنرل ابراہیم طہ سے تبادلہ خیال کیا۔

ایران کے قائم مقام وزیرخارجہ علی باقری بدھ کی صبح اسلامی او آئی سی کے اس اجلاس میں شرکت کے لئے جدہ پہنچے ہيں۔

او آئی سی کا یہ ہنگامی اجلاس فلسطینی عوام کے خلاف صیہونیوں کے جرائم جاری رہنے ، حماس کے سربراہ شہید اسماعیل ہنیہ کے قتل اور صیہونی حکومت کے ہاتھوں اسلامی جمہوریہ ایران کی قومی سلامتی اور اقتدار اعلی کی خلاف ورزی کا جائزہ لینے کے ایجنڈے کے تحت منعقد ہوا ہے۔