SAHAR

اسلامی جمہوریہ ایران کی وزارت خارجہ نے برطانوی ناظم الامور کو طلب کر کے ان کے ملک کی جانب سے عائد کی جانے والی نئی پابندیوں پر سخت احتجاج کیا ہے۔

سحرنیوز/ایران: تفصیلات کے مطابق ایک ایرانی تنظیم اور تین شہریوں کے خلاف برطانوی پابندیوں کے حالیہ نفاذ کے بعد تہران میں برطانوی سفارت خانے کے انچارج ڈی افیئرز کو وزارت خارجہ میں طلب کیا گیا۔ ایرانی وزارت خارجہ نے برطانیہ کی حالیہ پابندیوں کو غیر قانونی قرار دیتے ہوئے کہا ہے کہ اس کا یہ اقدام نئی حکومت کی گفتگو اور تعاون کی خواہش کے حوالے سے مبینہ پالیسیوں کے خلاف ہے۔ برطانوی ناظم الامور نے کہا کہ وہ اپنے ملک کے دارالحکومت کو معاملے کی صورتحال اور ایران کے ردعمل سے آگاہ کریں گے۔