ایران کی ایر ڈیفنس فورس کی قدردانی، حکومت ایران کی ترجمان
حکومت ایران کی ترجمان نے ایران کی ایر ڈیفنس فورس کی قدردانی کرتے ہوئے کہا ہے کہ اس فورس نے ایرانی قومی فخر کو برقرار رکھا ہے۔
سحرنیوز/ایران: حکومت ایران کی ترجمان فاطمہ مہاجرانی نے کہا کہ ایران کی ایر ڈیفنس فورس قابل ستائش ہے کہ جس نے اپنے اقدامات سے ایرانی قوم کے فخر کو برقرار رکھا۔ انہوں نے ارنا سے گفتگو میں ایران کے بعض فوجی مراکز پر صیہونی حکومت کے حملے اور اس حملے پر ایران کی ایرڈیفنس فورس کے قابل قدر ردعمل کے بارے میں کہا کہ ایرانی عوام، اپنے ملک کی دفاعی توانائی پر فخر کرتے ہیں۔
انہوں نے کہا کہ اس حملے میں بہت ہی معمولی نقصان پہنچا اور حملہ ناکام بنا دیا گیا ۔ حکومت ایران کی ترجمان فاطمہ مہاجرانی نے کہا کہ ایران کی ایر ڈیفنس فورس نے جس طرح سے اسرائیل کی جارحیت کا مقابلہ کیا اور اس حملے کو ناکام بنایا وہ قابل قدر اور قابل ستائش اقدام ہے۔
