ایران میں تربیتی طیارہ گر کر تباہ، پائلٹ سمیت 3 افراد شہید
Jan ۱۵, ۲۰۲۵ ۱۶:۲۹ Asia/Tehran
ایران کے شمالی علاقے میں آج صبح ایک چھوٹے تربیتی طیارے کو پیش آنے والے حادثے میں عملے کے تین افراد شہید ہو گئے۔
سحر نیوز/ ایران: اسلامی جمہوریہ ایران کے شمالی صوبے گیلان کے شہر رشت کے قریب ایک چھوٹا تربیتی طیارہ گر کر تباہ ہوگیا ہے۔
بدقسمتی سے اس حادثے میں پائلٹ، کو پائلٹ اور فلائٹ انجینئر اپنی جانوں سے ہاتھ دھو بیٹھے ہیں۔
حادثے کا شکار ہونے والے تربیتی طیارے نے آج صبح تہران کےمہرآباد ایئرپورٹ سے صوبہ گیلان کیلئے پرواز کی تاہم صبح 10 بجکر 25 منٹ پر گر کر تباہ ہو گیا ۔
طیارے کو حادثہ فنی خرابی کے باعث پیش آیا۔
