ایران کی مسلح افواج کی آمادگی آج اپنےعروج پر ہیں؛ سپاہ پاسداران کے کمانڈر انچیف کے مشیر
ایران کی سپاہ پاسداران انقلاب اسلامی کے کمانڈر انچیف کے مشیر نے کہا ہے کہ ہم جنگی مشقوں کے ذریعے دشمنوں کو یہ بتانا چاہتے ہیں کہ عوامی رضاکار فورس بسیج ، اور اسلامی و انقلابی اقدار کی وفادار افواج آج اپنی طاقت اور آمادگی کی اعلی ترین سطح پر ہیں۔
سحرنیوز/ایران: یران کی سپاہ پاسداران انقلاب اسلامی کے کمانڈر انچیف کے مشیر جنرل ابراہیم جباری نے جمعرات کو شہر بیرجند میں عوامی رضا کار فورس بسیج کی اقتدار پیغمبر اعظم جنگی مشقوں کے موقع پر صحافیوں سے گفتگو میں کہا ہے کہ یہ مشقیں پورے ملک میں، سبھی صوبوں اور اضلاع میں انجام دی جا رہی ہیں۔
انہوں نے کہا کہ رہبر انقلاب اسلامی کی ہدایت پر انجام پانے والی یہ مشقیں صوبائی گورنروں، سپاہ پاسداران انقلاب اسلامی کے کمانڈروں اور امدادی اداروں کی مشترکہ مساعی سے انجام دی جا رہی ہیں۔
سپاہ پاسداران انقلاب اسلامی کے کمانڈر انچیف کے مشیر جنرل ابراہیم جباری نے بتایا کہ ان جنگی مشقوں اور عظیم اجتماعات کا مقصد، دشمن کو اس کی دھمکیوں اور تخریبی منصوبوں کے مقابلے میں اپنی آمادگی اور تیاری دکھا دینا ہے۔
جنرل ابراہیم جباری نے کہا کہ اگر خدا نخواستہ دشمنوں نے ہمارے ملک کو نقصان پہنچانے کا فیصلہ کیا تو انہیں منہ توڑ جواب دیں گے۔
