ایران کے چابہار میں 6 دہشت گرد گرفتار ایک ہلاک
چابہار شہر میں ایران کی سیکورٹی فورسیز نے ایک آپرشن کے دوران 6 دہشت گردوں کو گرفتار کر لیا ہے جبکہ ایک ہلاک ہو گيا ہے۔
سیستان و بلوچستان کے نائب گورنر اور چابہار شہر کے خصوصی گورنر نے ایک دہشت گرد گروہ کے 6 ارکان کی گرفتاری اور ایک شخص کی ہلاکت کا ذکر کرتے ہوئے بتایا ہے کہ چابہار میں دہشت گرد گروہ کے خلاف سیکورٹی فورسز کا آپریشن ان کے چھپنے کی جگہ کی نشاندہی کے بعد کیا گیا اور سیکورٹی کونسل کے اراکین کی ہم آہنگی کے ساتھ جاری ہے۔ علیرضا نورا نے منگل کے روز خبر رساں ایجنسی ارنا کے ساتھ انٹرویو میں کہا کہ چابہار کی حکومتی کیبنٹ سنجیدگی سے عوام کی فلاح کے لیے کوشش کر رہی ہے اور کسی دہشت گرد گروہ کو اس شہر میں عدم تحفظ پیدا کرنے کی اجازت نہیں دے گی۔
نورا نے مزید کہا کہ یہ دہشت گرد گروہ سال کے آخری دنوں میں کارروائیاں کرنے اور عدم تحفظ کو تیز کرنے کا ارادہ رکھتا تھا، لیکن ان کی کارروائی کو سیکورٹی اور قانون نافذ کرنے والے اداروں کی اتھارٹی نے ناکام بنا دیا۔ بری افواج کے قدس ہیڈکوارٹر کے تعلقات عامہ کے دفتر نے ایک بیان میں کہا کہ چابہار میں آئی آر جی سی کے قدس ہیڈکوارٹر اور واجا کے مشترکہ آپریشن میں، دہشت گرد گروہ جیش الظلم کے 6 ارکان کو گرفتار کیا گیا اور ایک شخص کو ہلاک کیا گیا۔ رپورٹ کے مطابق، اس دہشت گرد ٹیم سے ہتھیار اور گولہ بارود کی بڑی مقدار دریافت ہوئی ہے۔
