SAHAR

ایرانی وزیر خارجہ سید عباس عراقچی نے اپنے سعودی ہم منصب فیصل بن فرحان سے دوطرفہ، علاقائی اور بین الاقوامی معاملات پر گفتگو کی ہے۔

سحرنیوز/ایران: وزیر خارجہ نے اس موقع پر اپنے سعودی ہم منصب کو عمان کے دار الحکومت مسقط میں تہران اور واشنگٹن کے مابین بالواسطہ مذاکرات کی کچھ تفصیلات سے آگاہ کیا اور بتایا کہ مذاکرات کا آئندہ دور ایک یورپی ملک میں لیکن عمان کے وزیر خارجہ کی میزبانی میں انجام پائے گا۔ سعودی عرب کے وزیر خارجہ نے بھی مذاکرات کا خیرمقدم کیا اور امید ظاہر کی کہ ان مذاکرات کا نتیجہ ایران اور پورے علاقے کے حق میں ثابت ہوگا۔