مشترکہ سرحدوں کے نزدیک تیسرے ملک کی افواج کی موجودگی کی تشویش دور کی جائے : صدر ایران ڈاکٹر پزشکیان کی تاکید
Aug ۱۹, ۲۰۲۵ ۱۹:۱۷ Asia/Tehran
اسلامی جمہوریہ ایران کے صدر نے آرمینیا کے وزير اعظم سے ملاقات میں تاکید کی ہے کہ مشترکہ سرحدوں کے نزدیک تیسرے ملک کی افواج کی موجودگی کے بارے میں ہماری تشویش دور کی جائے۔
سحرنیوز/ایران: صدر ڈاکٹر مسعود پزشکیان نے ایروان میں آرمینیا کے وزیر اعظم سے ملاقات کے بعد سماجی رابطے کے ایکس پیج پر ایک پوسٹ میں لکھا ہے کہ " آرمینیا کے وزیر اعظم نیکول پاشینیان سے ملاقات میں ہم نے کہا ہے کہ اسلامی جمہوریہ ایران کی حکومت آرمینیا کی ارضی سالمیت اور اقتدار اعلی نیز دونوں ملکوں کے درمیان مخلصانہ روابط کے تحفظ پر یقین رکھتی ہے۔"
صدر ڈاکٹر مسعود پزشکیان نے تاکید کی ہے کہ " مشترکہ سرحدوں کے نزدیک تیسرے ملک کی افواج کی موجودگی کے بارے ميں ہماری تشویش پوری طرح دور کی جائے۔ "
