اسلامی جمہوریہ ایران کی وزارت خارجہ نے جنوبی شام پر صیہونی حکومت کے فوجی حملے کی شدید مذمت کی ہے۔
اسلامی جمہوریہ ایران کی وزارت خارجہ کے ترجمان اسماعیل بقائی نے جنوبی شام کے علاقے بیت جن پر غاصب صیہونی حکومت کے زمینی اور فضائی حملے اور متعدد شامی شہریوں کے قتل کی شدید الفاظ میں مذمت کی ہے۔
سحرنیوز/ایران: ارنا کی رپورٹ کے مطابق ایران کی وزارت خارجہ کے ترجمان اسماعیل بقائی نے صیہونی حکومت کی جارحیت کے مقابلے میں اپنے ملکوں کی قومی خود مختاری اور ارضی سالمیت کے دفاع کے لئے علاقے کی اقوام کے اقتدار اعلی پر زور دیا اور صیہونی فوجیوں کے خلاف شامی نوجوانوں کی مزاحمت کو ایک فطری اور قانونی جواب قرار دیا۔
ہمیں فالو کریں:
Follow us: Facebook, X, instagram, tiktok
اسلامی جمہوریہ ایران کی وزارت خارجہ کے ترجمان نے صیہونی حکومت کی جانب سے بین الاقوامی قوانین کی مسلسل سنگین خلاف ورزیوں اور علاقے میں اس کے جرائم کے دائرے میں توسیع کا حوالہ دیتے ہوئے صیہونی حکومت کی جارحیت کے جواب میں اقوام متحدہ کی سلامتی کونسل کی بے عملی کو افسوسناک قرار دیا اور عالمی امن و استحکام پر اس صورت حال کے نتائج کے تئیں خبردار بھی کیا۔
