اگر ٹرمپ نے ماضی کی غلطیوں کو دوہرایا تو ایران کا جواب پہلے سے بھی زیادہ سخت ہوگا: ایران

Jan ۰۴, ۲۰۲۶ ۱۵:۰۷ Asia/Tehran

ایرانی پارلیمنٹ میں قومی سلامتی اور خارجہ پالیسی کمیشن کے رکن علاؤالدین بروجردی نے خبردار کیا ہے کہ اگر ٹرمپ نے ماضی کی غلطیوں کو دوہرایا تو ایران کا جواب پہلے سے زیادہ ٹھوس اور سخت ہوگا۔

سحرنیوز/ایران: ارنا کی رپورٹ کے مطابق ایرانی پارلیمنٹ میں قومی سلامتی اور خارجہ پالیسی کمیشن کے رکن علاؤالدین بروجردی نے کہا کہ "ٹرمپ کو معلوم ہونا چاہیے کہ اگر وہ اپنی ماضی کی غلطیوں کو دوہرانا چاہتے ہیں تو پھر ہمارا ردعمل پہلے سے بھی زیادہ سنگين اور سخت ہوگا اور خطے میں امریکی مفادات ہمارے انتقام کے نشانہ پر آجائیں گے۔"

ہمیں فالو کریں:

انہوں نے واضح کیا کہ یہ ہمارا مسلمہ حق ہے اور ٹرمپ کو معلوم ہونا چاہیے کہ وہ کس ملک کے مد مقابل کھڑے ہیں لہذا وہ ایسی زبان استعمال کرنے سے گریز کریں جو اسلامی جمہوریہ ایران کے وقار اور حیثیت کے مطابق نہ ہو۔