ہم ڈکٹیشن کو مذاکرات نہیں سمجھتے: اسپیکر مجلس شورائے اسلامی

Jan ۲۹, ۲۰۲۶ ۱۸:۲۰ Asia/Tehran

ایران کی مجلس شورائے اسلامی پارلیمنٹ کے اسپیکر نے تہران میں سی این این کے ساتھ ایک خصوصی انٹرویو میں کہا کہ تہران امریکہ کے ساتھ مذاکرات کے لیے تیار ہے، لیکن صرف اس صورت میں جب مذاکرات صداقت اور حقیقت پر مبنی ہوں-

سحرنیوز/ایران: محمد باقر قالیباف نے واضح کیا کہ جب تک ایرانی عوام کے اقتصادی مفادات کی ضمانت نہیں دی جاتی اس وقت تک مذاکرات کا کوئی امکان نہیں ہے کیونکہ ہم ڈکٹیشن کو مذاکرات نہیں سمجھتے۔

امریکہ کی طرف سے مذاکرات کی تجویز کے بارے میں پوچھے گئے سوال کے جواب میں ایران کے اسپیکر کا کہنا تھا کہ آپ نے کہا کہ امریکہ مذاکرات کی بات کر رہا ہے۔ سب سے پہلے ہمیں یہ جاننے کی ضرورت ہے کہ آپ کون سے مذاکرات کی بات کر رہے ہیں۔ اگر آپ کی مراد حقیقی معنوں میں اور مذاکرات کے مسلمہ بین الاقوامی اصولوں اور ضابطوں کے تحت مذاکرات ہیں تو ہم اس کے لیے تیار ہیں-

ہمیں فالو کریں:

واضح رہے کہ ایران کے وزیر خارجہ نے بھی ایک بیان میں کہا ہے کہ ہم مذاکرات کے لئے ان ثالث ملکوں کے ساتھ رابطے میں ہیں جو نیک نیتی سے کردار ادا کرنے کی کوشش کر رہے ہیں، تاہم ابھی تک کوئی فیصلہ نہیں کیا گیا ہے اور امریکہ کی طرف سے کوئی درخواست نہیں کی گئی ہے۔