افغان شہریوں کی ہلاکتوں میں امریکی فورسز ملوث
افغانستان میں امریکی فورسز کے ہاتھوں افغان شہریوں کی ہلاکتوں میں اضافہ ہوا ہے۔
افغانستان میں شہریوں کی اموات سے متعلق اقوام متحدہ کی سہ ماہی رپورٹ میں انکشاف کیا گیا ہے کہ 2019 کے ابتدائی تین ماہ میں امریکی اور افغان فورسز کے ہاتھوں 305 شہری ہلاک ہوئے جبکہ اس دوران طالبان اور دیگر انتہا پسند گروپوں کے ہاتھوں227 شہری ہلاک ہوئے۔
امریکی اور افغان فورسز کے ہاتھوں ہونے والی شہریوں کی ہلاکتیں بمباری یا سرچ آپریشن کے دوران ہوئیں۔ افغانستان میں مجموعی طور پر شہریوں کی اموات میں کمی آئی لیکن غیر ملکی فورسز کے ہاتھوں شہریوں کی ہلاکتوں میں اضافے پر تشویش برقرار ہے۔ اس لئے کہ گزشتہ برسوں کے مقابلے میں امریکی اور افغان فوج کے ہاتھوں سویلینز کی ہلاکتوں میں 39 فیصد اضافہ ہوا۔
افغانستان میں یکم جنوری سے31 مارچ تک 581 شہری ہلاک،1192 زخمی ہوئے جس میں بچوں کی تعداد 150 ہیں ۔
