SAHAR

ایسو شی ایٹڈ پریس کی رپورٹ کے مطابق سفارتی ذرائع نے جمعرات کو بتایا کہ امریکی حکومت نے اقوام متحدہ کی سلامتی کونسل کو صیہونی حکومت اور حزب اللہ لبنان کے درمیان ہونے والی حالیہ جھڑپوں کے بارے میں بیان جاری نہیں کرنے دیا۔

رپورٹ کے مطابق اس بیان میں گرین لائن کی تمام خلاف ورزیوں کی مذمت کی گئی تھی۔

اقوام متحدہ کی سلامتی کونسل کے اس بیان کا مسودہ فرانس نے تیار کیا تھا اور اس میں تمام فریقوں سے زیادہ سے زیادہ صبر و تحمل سے کام لینے کی اپیل کی گئی تھی اور ایسے بیانات جاری کرنے سے روکا گیا تھا جن سے کشیدگی میں اضافہ ہوسکتا ہے۔

سفارتی ذرائع نے اعلان کیا کہ امریکہ نے اس بہانے سے کہ اس بیان میں حزب اللہ کی مذمت نہیں کی گئی ہے اسے جاری کرنے کی مخالفت کی۔

صیہونی حکومت نے پچیس اگست کو جنوبی بیروت پر ڈرون حملہ کیا تھا جس پر پہلی ستمبر کو حزب اللہ نے ردعمل دکھایا اور جوابی کارروائی کی۔

حزب اللہ لبنان نے گذشتہ اتوار کو شمالی مقبوضہ فلسطین میں صیہونی فوج کی ایک بکتر بندگاڑی کو ٹینک شکن میزائل سے نشانہ بنایا تھا جس کے نتیجے میں صیہونی فوج کا ایک کمانڈر ہلاک ہوگیا تھا۔