یمن میں امریکی جرائم کی مذمت
یمن کی عوامی تحریک انصاراللہ اور مختلف سیاسی گروہوں نے یمنی عوام کے خلاف امریکی جرائم کی شدید مذمت کی ہے۔
ایران پریس کی رپورٹ کے مطابق یمن کی عوامی تحریک انصاراللہ اور مختلف سیاسی جماعتوں نے دارالحکومت صنعا میں اپنی ایک نشست میں تاکید کی ہے کہ یمن میں عورتوں اور بچوں کا قتل عام امریکہ اور اس کے فراہم کردہ ہتھیاروں سے ہو رہا ہے اور اس قسم کے وحشیانہ جرائم گذشتہ چھے برسوں سے جاری ہیں۔
اس اجلاس سے خطاب کرنے والے مختلف جماعتوں کے رہنماؤں نے کہا ہے کہ تسلط پسندی کی مخالفت کرنے والی قوموں کے خلاف امریکہ اور اسرائیل نے ہمیشہ وحشیانہ ترین جرائم کا ارتکاب کیا ہے اور وہ ان قوموں کے مقابلے میں ہمیشہ قتل عام کی پالیسی پر عمل کرتے رہے ہیں۔
واضح رہے کہ سعودی عرب نے مارچ دو ہزار پندرہ میں یمن کے خلاف غیر قانونی جنگ اور وحشیانہ جارحیت کا آغاز کیا جو تاحال جاری ہے امریکہ اور بعض مغربی ممالک اس جنگ میں سعودی عرب کو سیاسی اور لاجسٹک سپورٹ کر رہے ہیں جبکہ متحدہ عرب امارات اور بعض دوسرے عرب ممالک اس کے اتحادی ہیں۔
