SAHAR

یمن کی اعلی سیاسی کونسل کے سربراہ مہدی المشاط نے سعودی عرب کے فوجی اتحاد سے کہا ہے کہ وہ یمن کا محاصرہ ختم کرکے جنگ روکنے کے لئے سنجیدگی سے مذاکرات شروع کرے۔

مہدی المشاط نے ایک نیشنل کانفرنس سے خطاب میں کہا کہ ہم اقوام متحدہ اور دوسرے تمام فریق کے لئے اعلان کرتے ہیں کہ ہم امن کے قیام کے ہر عمل میں پوری طرح شرکت کے لئے تیار ہيں۔

یمن کی اعلی سیاسی کونسل کے سربراہ مہدی المشاط نے کہا کہ بندرگاہوں اور ایئرپورٹوں کی ناکہ بندی ختم ہونی چاہئے کیونکہ یہ یمن کے عوام کا قانونی حق ہے۔

ان کا کہنا تھا کہ ان مسائل کو سیاسی اور فوجی محاذ پر امتیاز لینے کا ذریعہ نہیں بننا چاہئے۔