SAHAR

غزہ پر غاضب صیہونی حکومت نے تازہ وحشیانہ اور جنون آمیز حملوں میں فلسطینی استقامت کے متعدد ٹھکانوں کو نشانہ بنایا۔

الجزیرہ کی آج کی رپورٹ کے مطابق غاصب صیہونی حکومت کے جنگی طیاروں نے غزہ کے جنوبی علاقے میں فلسطینی استقامت کے ایک مرکز کو نشانہ بنایا۔ اس کے علاوہ اناتولی خبر رساں ایجنسی نے رپورٹ دی ہے کہ غزہ کی پٹی پر حملہ ہوا ہے۔ ابھی تک اس کی تفصیلات سامنے نہیں آئیں۔

واضح رہے کہ غاصب صیہونی حکومت کی غزہ پر گزشتہ ماہ 12 روزہ وحشیانہ حملوں میں ڈھائی سو سے زائد فلسطینی شہید اور کئی ہزار دیگر زخمی ہوئے جن میں بچوں اور خواتین کی بڑی تعداد شامل ہے جبکہ اسپتال، مساجد اور اسکول بھی صیہونی حملوں سے محفوظ نہیں رہے۔