SAHAR

صیہونی فوجیوں نے شمالی غزہ پٹی پر بمباری کی ہے۔

صفا نیوز ایجنسی کی رپورٹ کے مطابق صیہونی حکومت کے جنگی ہیلی کاپٹروں نے اتوار کی صبح شمالی غزہ پٹی میں مشرقی جبالیا کے ایک واچ ٹاور پر میزائلی حملہ کیا۔

عرب میڈیا نے بھی اتوار کی صبح رپورٹ دی ہے کہ شمالی غزہ سے دھماکوں کی آوازیں سنی گئی ہیں اور صیہونی حکومت کے جنگی ہیلی کاپٹروں نے شمالی غزہ پٹی میں ایک عمارت پر کم سے کم تین میزائل مارے ہیں۔

یہ ایسی حالت میں ہے کہ صیہونی حکومت کی فوج کے ترجمان نے دعوی کیا ہے کہ دھماکے کی آواز اسٹارشیل کی تھی۔

غزہ پٹی پر صیہونی فوج کے حملوں میں اب تک ہزاروں فلسطینی شہید و زخمی ہوچکے ہیں۔ غزہ پٹی دو ہزار چھے سے صیہونی حکومت کے بری بحری اور فضائی محاصرے میں ہے اور اس علاقے کے عوام کو سخت مسائل کا سامنا ہے۔