SAHAR

غرب اردن میں فلسطینیوں کے ساتھ صیہونی فوجیوں کی جھڑپ میں تین صیہونی زخمی ہوگئے

فلسطین الیوم کی رپورٹ کے مطابق صیہونی فوجی اتوار کی صبح  اس وقت زخمی ہوئے جب وہ اپنی گاڑی سے مشرقی قلقیلیہ کی عزون کالونی میں جاناچاہتے تھے۔ صیہونی فوجیوں نے دو فلسطینی نوجوانوں کو مقبوضہ بیت المقدس میں گرفتار بھی کرلیا۔

صیہونی فوجیوں نے سنیچر کی رات مشرقی طولکرم میں نورشمس کیمپ پر فائرنگ کی ، آنسو گیس کے گولے داغے اور حملہ کیا جس کا فلسطینی نوجوانوں نے بھرپورجواب دیا ۔

فلسطینی استقامتی گروہوں نے فلسطینیوں پر صیہونیوں کی کسی بھی طرح کی جارحیت اور حملے کے بارے میں خبردار کرتے ہوئے اسے ریڈ لائن پار کرنے کے مترادف قرار دیا اور کہا کہ اس طرح کے حملوں سے تمام محاذوں پر صورتحال دھماکا خیز ہو سکتی ہے۔