SAHAR

قدس کی غاصب اور جابر صیہونی حکومت کے فوجیوں نے مقبوضہ قدس کے شعفاط کالونی پر جارحیت کرتے ہوئے متعدد فلسطینیوں کو گرفتار کر لیا ہے۔

مہر خبر رساں ایجنسی کی رپورٹ کے مطابق قدس کی غاصب اور جابر صیہونی حکومت کے فوجیوں نے گزشتہ روز شعفاط کالونی پر حملہ کیا اور گھر گھر تلاشی کے دوران متعدد فلسطینیوں من جملہ ایک سرگرم فلسطینی رہنما اور اس کے بیٹے کو گرفتار کر لیا ہے۔

عینی شاہدوں کا کہنا ہے کہ صیہونی فوجیوں نے اس جارحیت میں ان کے گھروں اور املاک کو بھی نقصان پہنچایا۔ اس دوران آنسو گیس کے گولے بھی فائر کئے گئے جس سے کئی فلسطینیوں کی حالت غیر ہو گئی۔

واضح رہے کہ شعفاط کالونی دو لاکھ مربع کیلو میٹر پر پھیلی ہوئی ہے اور یہ غرب اردن اور مقبوضہ بیت المقدس کی سرحد پر واقع ہے اور اس میں تقریبا 15 ہزار افراد زندگی گزارتے ہیں۔