SAHAR

افغانستان کےصوبے ہلمند میں افغان طالبان اور پاکستانی طالبان کے درمیان جھڑپوں کی خبریں موصول ہوئی ہیں۔

مقامی ذرائع نے بتایا ہے کہ طالبان فورس اور کالعدم تحریک طالبان پاکستان کے درمیان ہونے والی جھڑپوں میں چھے افراد مارے گئے ہیں۔ ہلاک ہونے والوں میں ٹی ٹی پی کا ایک کمانڈر اور اس کے تین ساتھی بھی شامل ہیں۔ ہلاک ہونے والے ٹی ٹی پی کمانڈر کا نام ملا عبداللہ بتایا جاتا ہے۔
صوبۂ ہملند کے ضلع ناوہ میں ہونے والی اس جھڑپ میں افغان طالبان کے سپاہی بھی مارے گئے ہیں۔
تاحال طالبان انتظامیہ نے اس جھڑپ کے بارے میں کچھ نہیں بتایا ہے اور نہ ہی پاکستانی طالبان کی جانب سے کوئی بیان جاری کیا گیا ہے۔
دوماہ قبل تحریک طالبان پاکستان کے اہم عہدیدار، عمرخالد خراسانی کے بھی افغانستان میں مارے جانے کی خبریں موصول ہوئی تھیں۔