SAHAR

ترکیہ کے جنگی طیاروں نے عراق کے صوبے دھوک کے پہاڑی سلسلے پر حملہ کیا ہے۔

سحر نیوز/ عالم اسلام:  ترکیہ کے جنگی طیاروں نے عراق کے صوبے دھوک کے پہاڑی سلسلےاور دیہی علاقے العمادیه پر بمباری کی۔

اس  بمباری سے جانی نقصان کی ابھی تک کوئی رپورٹ سامنے نہیں آئی ہے۔

ترکیہ کے جنگی طیاروں نے العمادیه کے دیہی علاقوں پر کل پی کے کے کے(P K K) عناصر کی موجودگی کا بہانہ بنا کر حملہ کیا تھا۔

عراق کی حکومت نے ترکیہ سے بارہا مطالبہ کیا ہے کہ وہ شمالی عراق پرجارحیت کی پالیسی کو ترک کرتے ہوئے اس علاقے سے اپنی افواج کو باہر نکالے لیکن ابھی تک ترکیہ نے عراقی حکومت کے اس مطالبے پر عمل نہیں کیا اور عراقی کردستان میں پی کے کے، کا مقابلہ کرنے کے بہانے اس ملک کی سرزمین پر قبضہ کئے ہوئے  ہے۔