SAHAR

غاصب اسرائیل میں ہونے والے ایک تازہ سروے میں اکثر صیہونیوں نے نیتن یاہو سے استعفے کا مطالبہ کیا ہے۔

سحرنیوز/ دنیا: خبر رساں ایجنسی "سما" نے آج ایک رپورٹ جاری کی ہے جس کے مطابق مقبوضہ اراضی میں ایک تازہ سروے ہوا ہے جس میں شریک صیہونیوں کی اکثریت نے کہا ہے کہ وہ اپنے وزیراعظم نیتن یاہو کا استعفیٰ چاہتے ہیں۔

سروے کے مطابق 75 فی صد صیہونیوں نے بتایا کہ وہ فلسطین کے استقامتی محاذ کے طوفان الاقصیٰ آپریشن میں ہونے والی شرمناک شکست کے لئے نیتن یاہو کو ذمہ دار سمجھتے ہیں۔ سروے میں شریک 66 فی صد صیہونیوں کا کہنا تھا کہ وہ چاہتے ہیں کہ وزیر اعظم نیتن یاہو اپنے عہدے سے استعفیٰ  دے دیں۔

قابل ذکر ہے کہ فلسطین کے استقامتی محاذ کے مقابلے میں غاصب اسرائيل کی شکست کے بعد نیتن یاہو اور صیہونی کابینہ کے تئیں صیہونیوں کی نفرت میں اضافہ ہوگیا ہے۔