SAHAR

فلسطین کی استقامتی تحریک حماس کے فوجی بازو القسام بریگیڈ نے غاصب اسرائیل کے دو شہروں ایلات اور حیفا پر راکٹوں اور میزائلوں سے  شدید حملہ کیا ہے۔

سحرنیوز/ عالم اسلام: الجزیرہ ٹی وی کی رپورٹ کے مطابق القسام بریگیڈ کے جاں بازوں نے غزہ کے مظلوم عوام پر غاصب اسرائیلی فوج کے وحشیانہ حملوں کے جواب میں حیفا اور ایلات شہروں کو راکٹوں اور میزائلوں سے نشانہ بنایا ہے۔

خبررساں ایجنسی مہر کی رپورٹ کے مطابق القسام بریگیڈ نے غاصب اسرائيل کے ساحلی شہر ایلات پر راکٹوں سے حملہ کیا ہے۔

اس رپورٹ کے مطابق القسام بریگیڈ کے مجاہدین نے غزہ کے مظلوم عوام پر صیہونیوں کے جارحانہ حملوں کے جواب میں یہ حملہ کیا ہے۔ رپورٹ کے مطابق القسام بریگیڈ نے ایلات شہر پر ڈھائی سو راکٹ برسائے۔