SAHAR

صیہونی فوجیوں نے غرب اردن کے شمال میں واقع بلاطہ کیمپ پر ڈرون حملہ کرکے پانچ فلسطینیوں کو شہید کردیا۔

سحرنیوز/عالم اسلام: فلسطین کی ہلال احمر نے اعلان کیا ہےکہ شہر نابلس میں واقع بلاطہ کیمپ کی ایک عمارت پر حملے میں پانچ فلسطینی شہید اور دو دیگر زخمی ہوگئے۔ اس رپورٹ کے مطابق صیہونی فوجیوں نے اسی طرح بلاطہ کیمپ اور جنین اور الخلیل کے بھی کچھ علاقوں پر دھاوا بول کر متعدد فلسطینیوں کو گرفتار کرلیا۔ موصولہ خبروں کے مطابق غرب اردن میں، طوفان الاقصی آپریشن کے آغاز سے اب تک فلسطینی شہداء کی تعداد دو سو چھ ہوگئی ہے۔ صیہونی فوجیوں نے الاقصی طوفان آپریشن کے آغاز سے اب تک غرب اردن میں تقریبا تین ہزار فلسطینیوں کو گرفتار کیا ہے۔