SAHAR

تحریک حماس کے رہنما نے کہا ہے کہ صیہونی وزیراعظم نے پورے علاقے کو جنگ میں جھونک دیا ہے۔

سحر نیوز/ عالم اسلام: سما نیوز ایجنسی کی رپورٹ کے مطابق تحریک حماس کے رہنما سامی ابوزہری نے اپنے بیان میں کہا ہے کہ صیہونی وزیراعظم بن یامین نیتن یاہو کی جانب سے خودمختار فلسطینی حکومت کی تشکیل کی مخالفت اور جنگ جاری رکھنے کی ضد سے ظاہر ہوتا ہے کہ وہ پورے علاقے کو ایسی جنگ میں الجھا دینا چاہتے ہیں جس کی کوئی مثال نہيں ملے گی ۔

انھوں نے تاکید کے ساتھ کہا کہ مغربی ممالک کے رہنماؤں کو چاہئے کہ وہ وقت برباد ہونے سے پہلے اپنے موقف پر نظرثانی کریں ۔

دوسری جانب ایک سروے رپورٹ میں اعلان کیا گیا ہے کہ سات اکتوبر کے بعد سے اب تک اسرائیلی فوج کی جارحیت میں پچیس ہزار سے زیادہ فلسطینی شہید اور باسٹھ ہزارسے زائد زخمی ہوچکے ہيں۔