SAHAR

بعض خبری ذرائع نے خبر دی ہے کہ صیہونی حکومت نے دمشق کےاطراف کے علاقوں پر حملے کئے ہيں تاہم شامی حکومت نے ابھی اس حملے کی تصدیق نہیں کی ہے۔

سحرنیوز/عالم اسلام: شام سے العالم نے خبردی ہے کہ دمشق کی فضا میں دھماکے کی آواز سنی گئی ہے۔ اس دوران  یہ خبر بھی ملی ہے کہ دمشق ایئرپورٹ کے اطراف میں حملے میں بعض افراد زخمی ہوئے ہيں۔ کہا جا رہا ہے کہ صیہونی حکومت کے جنگی طیاروں نے جنوبی دمشق میں شہر عقربہ کو نشانہ بنایا ہے تاہم شام کے ایئرڈفینس سسٹم نے اس کا مقابلہ کیا ہے۔
اس دوران یورو نیوز نے رپورٹ میں کہا ہے کہ زینبیہ کے قریبی علاقوں اور دمشق ایئرپورٹ کے اطراف کے علاقے کو صیہونی حکومت نے اپنے حملوں کا نشانہ بنایا ہے۔ خبروں کے مطابق شامی فوج کا دفاعی نظام فعال ہوگیا ہے اور دمشق کے نواحی علاقوں میں متعدد دھماکے ہوئے ہيں۔