صرف چھے منٹ میں جارح اسرائیل کے پچاس فضائی حملے
صیہونی حکومت کی فوج نے صرف چھے منٹ میں شہر خان یونس پر پچاس فضائی حملے کئے ہيں-
سحرنیوز/ عالم اسلام: فلسطینی میڈیا نے مقبوضہ فلسطین سے شائع ہونے والے اخبار یدیعوت احارونوت کے حوالے سے رپورٹ دی ہے کہ غاصب صیہونیوں نے چھے منٹ میں پچاس بار شہر خان یونس کو فضائی حملوں کا نشانہ بنایا ہے اور اس وقت بھی خان یونس کے شہر حمد کے اطراف میں حملے کئے ہیں-
میڈیا رپورٹوں کے مطابق صیہونی فوجی اس علاقے میں گھس گئے ہيں اور فلسطینی پناہ گزیں، جارح صیہونی فوج کی جاری گولہ باری کے دوران اس شہر سے نکلنے کی کوشش کررہے ہيں- اس سے قبل الجزیرہ ٹی وی نے حفظان صحت اور انسانی لحاظ سے خان یونس کے اسپتال کی نہایت خراب و ابتر صورت حال کے بارے میں رپورٹ تیار کی تھی - الجزیرہ نے اپنی رپورٹ میں کہا تھا کہ اس علاقے میں فلسطینی پناہ گزینوں کی تعداد میں اضافے کے پیش نظر، زخمیوں اور اسپتال میں داخل ہونے والوں کی تعداد روز بروز بڑھتی جا رہی ہے ۔
