SAHAR

رپورٹرز ود آؤٹ بارڈرز نے اتوار کی صبح کو اپنی تازہ ترین رپورٹ میں ، غزہ میں صیہونی فوج کے ہاتھوں شہید ہونے والے صحافیوں کی تعداد ایک سو چالیس اعلان کی ہے۔

سحرنیوز/عالم اسلام: اس تنظیم نے اعلان کیا ہےکہ یہ صحافی سات اکتوبر سے غزہ کے خلاف حملوں کے آغاز سے اب تک اسرائيلی فوج کی بمباری اور میزائلی حملوں میں شہید ہوئے ہيں۔
اس تنظیم نے عالمی برادری سے مطالبہ کیا ہے کہ وہ اسرائیل پر اپنا دباؤ بڑھائے تاکہ غزہ میں کسی انسانی المیے کے رونما ہونے کی روک تھام کی جاسکے- دوسری جانب اقوام متحدہ کے بچوں کے فنڈ یونیسیف نے اعلان کیا ہے کہ غزہ کی جنگ میں تیرہ ہزار سے زیادہ بچے شہید ہو چکے ہیں اور بے شمار تعداد میں زخمی بھی ہوئے ہیں۔