غزہ پٹی میں 3 اسرائیلی فوجیوں کو اس طرح بنایا گیا شکار + ویڈیو
May ۲۳, ۲۰۲۴ ۱۷:۲۸ Asia/Tehran
فلسطین کی اسلامی مزاحمتی تحریک حماس کے عسکری ونگ نے غزہ پٹی کے شمال میں بیت حانون میں اپنے کامیاب اسنائپر آپریشن کا ویڈیو جاری کیا ہے ۔
سحر نیوز/ عالم اسلام: فارس نیوز کے مطابق صیہونی حکومت کی فوج نے آج صبح اعلان کیا کہ گزشتہ ہفتے اس کے 145 فوجی زخمی ہوئے ہیں جبکہ مزاحمت کے ساتھ جنگ کے مختلف محاذوں پر اپنے فوجیوں کی ہلاکتوں کے اعداد و شمار بھی جاری کئے ہیں۔
حماس کی فوجی شاخ نے صیہونی فوجیوں کے شکار کا ویڈیو جاری کیا ہے۔
ذرائع کا کہنا ہے کہ یہ آپریشن غزہ پٹی کے شمال میں صیہونی فوجیوں کے خلاف انجام دیا گیا ۔
القسام بریگیڈ نے غزہ پٹی کے شمال میں واقع بیت حانون میں ایک غاصب فوجی افسر سمیت 3 اسرائیلی فوجیوں کو نشانہ بنانے میں ایک فلسطینی اسنائپر کے کامیاب آپریشن کا ویڈیو جاری کیا۔
حماس کا کہنا ہے کہ اسرائیلی فوجیوں کے خلاف کارروائیاں جاری رہیں گی۔
