SAHAR

حزب اللہ لبنان کے ڈرون طیارے ایک بار پھر مقبوضہ شمالی فلسطین کے حدود میں داخل ہونے میں کامیاب رہے ۔

سحر نیوز/ عالم اسلام: صیہونی فوج نے آج اعلان کیا کہ لبنان سے دو ڈرون طیارے مقبوضہ شمالی فلسطین میں الجلیل الغربی کی فضا میں داخل ہوئے جن کا اسرائیلی فوج نے تعاقب کیا۔ صیہونی ذرائع ابلاغ نے بھی اعلان کیا ہے کہ حزب اللہ لبنان کے ڈرون طیاروں سے خائف ہو کر غاصب صیہونیوں میں افرا تفری مچ گئی اور خطرے کا سائرن بجنے لگا ۔

ان ذرائع ابلاغ نے اعلان کیا کہ راس ناقورہ اور نہاریا میں بھی خطرے کے سائرن بجنے کی رپورٹ ملی ہے۔

تازہ پورٹوں میں بتایا گیا ہے کہ حزب اللہ نے مقبوضہ فلسطین کے شہرعکا کے شمال میں واقع گولانی بریگیڈ کے ایک ہیڈکوارٹر پر کامیاب میزائلی حملہ کیا ہے۔