سرد موسم اور ٹھنڈ سے مر رہے ہیں غزہ کے معصوم بچے
غزہ سے ایسی خبریں سامنے آ رہی ہیں جو پوری دنیا کے انصاف پسند لوگوں کے لئے شرم سے ڈوب مرنے کی بات ہے۔ ایک طرف جہاں دہشتگرد اسرائیلی فوج فلسطینیوں کی نسل کشی کر رہی ہے وہیں دوسری طرف شدید ٹھنڈ میں بشر دوستانہ امداد نہ پہنچ پانے کی وجہ سے معصوم بچوں کی موت ہو رہی ہے۔
سحر نیوز/ عالم اسلام: فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کے سربراہ نے ایک بیان میں کہا ہے کہ غزہ میں بچے ٹھنڈے موسم اور پناہ گاہ کی کمی کی وجہ سے ہلاک ہو رہے ہیں۔
فلپ لازارینی نے کہا کہ موسم سرما کی امدادی اشیاء بشمول کمبل کی کھیپ کئی مہینوں سے غزہ پٹی میں داخل ہونے کے لیے اسرائیل (حکومت) کی منظوری کا انتظار کر رہی ہے۔
فلپ لازارینی نے فوری جنگ بندی کے قیام اور بنیادی اور ضروری امداد کو غزہ پٹی میں داخل ہونے کی اجازت پر زور دیا۔
لازارینی کا کہنا تھا کہ اس وقت غزہ پٹی میں سردی کے موسم کے لیے ضروری سامان فراہم کرنا پہلے سے کہیں زیادہ ضروری ہے۔
