شام میں بڑے پیمانے پر گرفتاریوں کا سلسلہ شروع
شام پر حاکم تحریر الشام کے عناصر نے 16 شہروں میں بے گناہ شہریوں کو گرفتار کرنا شروع کیا ہے۔
سحر نیوز/ عالم اسلام: شام پر حاکم تحریر الشام نے دمشق، طرطوس، لاذقیہ، القرداحہ، حمص، اور حماہ سمیت 16 شہروں میں وسیع پیمانے پر گرفتاریوں کا سلسلہ شروع کردیا ہے۔
ذرائع کے مطابق گزشتہ دو ہفتوں کے دوران 300 سے زائد علوی افسران کو مختلف شہروں سے حراست میں لیا گیا ہے جن کی سرنوشت کے بارے میں تاحال کوئی خبر نہیں ہے۔
ذرائع کا کہنا ہے کہ حراست میں لیے گئے افراد کو خفیہ عقوبت خانوں میں منتقل کیے جانے کے دوران تشدد کا نشانہ بنایا گیا ہے۔
مقامی ذرائع کے مطابق گرفتار ہونے والے علوی افسران کسی عسکری کارروائی میں ملوث نہیں تھے اس کے باوجود گزشتہ چند دنوں کے دوران بڑی تعداد میں ان قیدیوں کو موت کے گھاٹ اتار دیا گیا ہے۔
بڑے پیمانے پر ہونے والی گرفتاریوں اور ہلاکتوں کے بعد شام میں کشیدگی مزید بڑھنے کا خدشہ ہے۔
