جنگ بندی کے دوسرے مرحلے پر بات چیت شروع نہیں ہوئی: طاہر النونو
حماس کے میڈیا ایڈوائزر طاہر النونو نے کہا ہے کہ جنگ بندی معاہدے کے دوسرے مرحلے پر بات چیت شروع نہیں ہوئی ہے۔
سحر نیوز/ عالم اسلام: العربی ٹی وی کو انٹرویو دیتے ہوئے طاہر النونو نے اس بات پر زور دیا کہ قابض حکومت کی جانب سے غزہ میں جنگ بندی معاہدے کے دوسرے مرحلے اور قیدیوں کے تبادلے کو معطل کرنے کی بنا پر پہلے مرحلے میں توسیع کا امکان ختم ہو جائے گا۔ حماس کے میڈیا ایڈوائزر نے کہا کہ ہم جنگ بندی معاہدے کے پابند ہیں، اور اب ذمہ داری ثالثوں پر عائد ہوتی ہے کہ وہ قابض حکومت کو اپنی ذمہ داریاں پوری کرنے پر مجبور کریں۔ یاد رہے کہ آج بروز ہفتہ (1 مارچ 2025) جنگ بندی اور قیدیوں کے تبادلے کے معاہدے کے پہلے مرحلے کا آخری دن ہے۔ معاہدے کے دوسرے مرحلے کے لیے مذاکرات چند روز قبل شروع ہونے والے تھے لیکن غاصب صیہونی حکومت تاحال اس کام کی راہ میں رکاوٹیں کھڑی کر رہی ہے ۔
