یمنی افواج نے امریکہ کا غرور خاک میں ملادیا؛ جدیدترین MQ-9 طیارے کو مار گرایا + ویڈیو
یمن کی مسلح افواج نے ایک اور امریکی ڈرون ایم کیو نائن کو مار گرانے کی خبر دی ہے۔
سحرنیوز/عالم اسلام: یمن کی مسلح افواج نے ایک بیان میں اعلان کیا ہے کہ امریکی فضائی جارحیت کے جواب میں، اللہ تعالی کی مدد سے ہماری مسلح افواج کے فضائی دفاع نظام نے ملکی ساختہ میزائل کا استعمال کرتے ہوئے مآرب صوبے کے آسمان میں ایک اور جدید امریکی ڈرون ایم کیو نائن کو مار گرانے میں کامیابی حاصل کی ہے۔
یمن کی مسلح افواج نے اعلان کیا ہے کہ یہ سولہواں جدید امریکی ڈرون MQ-9 ہے جسے غزہ کی حمایت میں مقدس جہاد کے دوران ایئر ڈیفنس کے ذریعے مار گرایا گیا ہے۔
یمنی مسلح افواج نے اس بات پر زور دیا کہ ہماری فوج بحیرہ احمر اور بحیرۂ عرب میں اسرائیلی بحری جہازوں کی نقل و حرکت کو روکنے کے لیے اپنی جدوجہد اس وقت تک جاری رکھے گی جب تک غزہ پر جارح صیہونی حکومت کی جارحیت اور اس کا محاصرہ ختم نہیں ہوجاتا۔
