SAHAR

حزب اللہ کے سیکرٹری جنرل نے صہیونی حکومت کے ساتھ تعلقات کو غزہ کے مظلوموں سے خیانت قرار دیتے ہوئے اسلامی ممالک سے اسرائیل کے خلاف عملی اقدامات کا مطالبہ کیا ہے۔

سحرنیوز/عالم اسلام: حزب اللہ لبنان کے سیکرٹری جنرل شیخ نعیم قاسم نے عرب اور اسلامی ممالک کو مشورہ دیا ہے کہ وہ غزہ کے مظلوم فلسطینیوں سے یکجہتی کا اظہار کرتے ہوئے صہیونی حکومت کے ساتھ تعلقات کو فوری طور پر منقطع اور اس کے سفارت خانوں کو بند کریں۔

المنار کے مطابق شیخ نعیم قاسم نے اپنے ایک تحریری بیان میں کہا کہ امریکی-صہیونی اتحاد کی جانب سے غزہ کے مظلوم فلسطینیوں پر جارحیت، قتل عام، بھوک اور نسل کشی کی شدت نے تمام انسانی و اخلاقی اقدار کو پامال کر دیا۔انہوں نے مزید کہا کہ غزہ پر مظالم کے خلاف عالمی برادری کی خاموشی شرمناک اور مجرمانہ ہے جو بین الاقوامی قوانین کو مزید کمزور کرنے کا باعث بن رہی ہے۔ صرف پچیس ممالک کی طرف سے جنگ بندی کا مطالبہ کافی نہیں۔