SAHAR

انصاراللہ یمن نے ایک بیان جاری کرکے عرب ملکوں اور بین الاقوامی برادری سے غزہ کے تعلق سے فوری اقدام کا مطالبہ کیا ہے اور کہا ہے کہ اسرائیلی جرائم پر خاموشی غزہ کے مظلوم عوام کی نسل کشی میں مشارکت ہے۔

سحرنیوز/عالم اسلام: انصار اللہ یمن نے اپنے بیان میں کہا ہے کہ غزہ کے مظلوم عوام، اسرائیلی دشمن کے محاصرے میں، دنیا کی آنکھوں  کے سامنے جان  دے رہے ہیں اور عوام پر منظم فاقہ کشی مسلط کرکے 21 مہینے سے زائد عرصے سے  ان کی نسل کشی کی  جا رہی ہے جس نے ثابت کردیا ہے کہ درندگی، ظلم اور جارحیت امریکا اور اس کی پٹھو صیہونی حکومت کی خصوصیات میں شامل ہے۔ انصاراللہ یمن نے اپنے بیان میں کہا ہے کہ اسرائيل کے  وحشیانہ جرائم  پر خاموشی غزہ میں مظلوم فلسطینی عوام کی نسل کشی میں مشارکت ہے۔