انڈونیشیا، شدید بارش اور لینڈ سلائڈنگ سے 84 ہلاک
انڈونیشیا کے جزیرہ سُماٹرا میں شدید بارشوں ، سیلاب اور لینڈ سلائڈنگ کے نتیجے میں ہلاکتوں کی تعداد چوراسی تک پہنچ گئی ہے۔
سحرنیوز/عالم اسلام: میڈیا رپورٹوں کے مطابق اس ہفتے سُماٹرا جزیرے کے مختلف علاقوں میں آنے والے سیلاب اور لینڈ سلائڈنگ نے بھاری جانی نقصان پہنچایا ہے- شمالی سُماٹرا پولیس کے ترجمان نے بتایا کہ آج صبح تک ہلاکتوں کی تعداد چوراسی ہوگئی ہے، جبکہ پچانوے افراد زخمی اور کم از کم پینسٹھ افراد لاپتہ ہیں۔ انڈونیشیا کے مغربی صوبہ آچے میں بھی شدید بارشوں کے باعث سیلاب اور لینڈ سلائڈنگ ہوئی، جس کے سبب پندرہ سو سے زائد افراد کو محفوظ مقامات پر منتقل کیا گیا ہے، کئی علاقوں میں بجلی کا نظام بھی متاثر ہوا ہے۔
ہمیں فالو کریں :
Follow us: Facebook, X, instagram, tiktok
انڈونیشیا کے ساتھ ساتھ ملیشیا اور تھائی لینڈ میں بھی شدید بارشوں سے سخت نقصان ہوا ہے ۔
