فلسطینیوں کو اپنے حق خود ارادیت اور انصاف کا حق حاصل ہے : اقوام متحدہ کے سیکریٹری جنرل
اقوام متحدہ کے سیکریٹری جنرل نے فلسطینی قوم کے ساتھ یکہجتی کے عالمی دن کی مناسبت سے ایک بیان میں کہا ہے کہ فلسطینیوں کو اپنے حق خود ارادیت اور انصاف کا حق حاصل ہے -
سحرنیوز/عالم اسلام: اقوام متحدہ کے سیکریٹری جنرل انتونیو گوترش نے کہا کہ فلسطینی اراضی پر ناجائز قبضہ ختم ہونا چاہیے اور دو ریاستی حل پر عمل درآمد ہونا چاہیے۔
انہوں نے بیان میں اس بات پر زور دیا کہ اس سال فلسطینیوں کے ساتھ یکجہتی کا دن، غزہ کی پٹی کے رہائشیوں کے لیے دو سال کے رنج و مصائب کے بعد آیا ہے۔ اس خطے میں فلسطینیوں نے اپنے دسیوں ہزار رشتہ داروں اور اقرباء کو کھو دیا ہے۔ ان میں سے تقریبا ایک تہائی بچے ہیں۔ گھروں، اسپتالوں اور اسکولوں کی وسیع پیمانے پر تباہی کے درمیان غزہ کی پٹی میں قحط اور جسمانی اور ذہنی بیماریاں پھیل چکی ہیں۔
ہمیں فالو کریں:
Follow us: Facebook, X, instagram, tiktok
گوترش نے غزہ کی پٹی کے خلاف جنگ بندی کی مدت کے دوران اسرائیلی جارحیت کا ذکر کیے بغیر، سب سے معاہدے کی پاسداری کرنے کا مطالبہ کیا۔
بیان میں کہا گیا ہے کہ مقبوضہ بیت المقدس سمیت مغربی کنارے پر بھی صیہونی فوجیوں اور صہیونی آباد کاروں کے حملے جاری ہیں اور ساتھ ہی نئی بستیوں کی تعمیر میں توسیع بھی کی جا رہی ہے۔ سینکڑوں امدادی کارکن جن میں سے زیادہ تر اقوام متحدہ کے اہلکار تھے، اپنی جانیں گنوا چکے ہیں۔ یہ دنیا بھر میں کسی جنگ میں اقوام متحدہ کے اہلکاروں کی ہلاکتوں کی سب سے زیادہ تعداد ہے۔
