SAHAR

ہمارے نمائندے کے مطابق وزیراعظم عمران خان کا کہنا ہے کہ وہ پاکستان میں منظم بدعنوانیوں میں ملوث کسی بھی شخص کو نہ تو معافی دیں گے نہ ہی اس کو جیل سے رہا کیا جائے گا۔ 

انہوں نے اسلام آباد میں جے یو آئی کے دھرنے کی جانب اشارہ کرتے ہوئے کہا کہ یہ مظاہرے حزب اختلاف کی جماعتوں کی جانب سے حکومت پر دباؤ ڈالنے کی ناکام کوشش ہے تاکہ اپنی پارٹی کے لیڈران کو جیل سے آزاد کرایا جاسکے۔ 

پاکستان کے وزیر اعظم نے یہ بات زور دے کر کہی کہ جے یو آئی جب تک چاہے احتجاج کرے لیکن عوامی املاک کو نقصان نہ پہنچائے۔

انہوں نے کہا کہ وہ اپوزیشن کے مطالبے پر ہر گز استعفی نہیں دیں گے۔

قابل ذکر ہے کہ مولانا فضل الرحمن کی قیادت میں جے یو آئی کے کارکن جمعے سے اسلام آباد میں دھرنا دیئے بیٹھے ہیں اور وزیراعظم سے استعفے کا مطالبہ کر رہے ہیں۔